TOP

teri khushbu ka pataa karti hai


teri khushbu ka pataa karti hai,
mujh pay ehsaan hawa karti hai,

shab ki tanhai mei ab to aksar,

guftagu tujh say raha karti hai,

dil ko us raah pay chalna hee nahi,
jo mujhay tujh say juda karti hai,

zindagi meri thee lekin ab to,
teray kehnay mei raha karti hai,

us nay dekha he nahi warna yeh aankh,
dil ka ehwaal kaha karti hai,

shaam parrtay he kisi shakhs ki yaad,
koocha e jaan mei sadaa karti hai.

0 comments:

Post a Comment