TOP

Mizaaj


Nazar ka apna mizaaj thehra
Jigar ka apna mizaaj thehra
Safar ka apna mizaaj thehra 
To ghar ka apna mizaaj thehra
Hum...Safar kay rahay 
na ghar kay rahay
Hamara apna mizaaj thehra

Hamari Mei ka mizaaj apna
Hamari lae ka mizaaj apna

Hamari aankhoon kay khuwaab apnay
Dard apnay azaab apnay
Meray lahoo rang gulaab apnay
Sawaal apnay, Jawaab apnay

Hamaray aangan main chalnay wali 
HAWA ka apna mizaaj thehra

Hamaray seenay main jalnay wali 
WAFA ka apna mizaaj thehra

Kisi ki choukhat pay jhuknay wali 
ANAA ka apna mizaaj thehra

Hamaray sajdoon ko gin’nay walay 
KHUDA ka apna mizaaj thehra

Ajab riwajoon, Ajab mizajoon kay iss nagar main
Tumhara apna mizaaj thehra, Hamara apna mizaaj tehra


0 comments:

Post a Comment