TOP

Ajab halat thay meray

Ajab halat thay meray ajab din raat thay meray
magar mai mutamien tha is liyey, tum saath thay meray

meray zar k talabgaron ki nazrain is liye uthti theen


k lakhon ungalian theen aur hazaron hath thay meray

mai ek pathar ka gard alood but't tha un k mandar mai
na dil tha meray seenay mai na kuch jazbaat thay meray

kisi sy aur kia taied ki umeed mai rakhta
wohi khamoosh thay jo mehram-e halaat thay meray

main jin sholon mein jalta tha sayad tum bhi na samjhay
mera dil mukhtalif tha, mukhtalif sadmaat thay meray

mujhay mujrim bana k rakh dia jhootay gawahoon nai
sabhi rad ho gayey jitnay ilzamaat thay meray

tasawor ban gia tasveer aakhir aik din
isi ka khoaf tha mujh ko yehi khadshaat thay meray

0 comments:

Post a Comment