TOP

na janay kyon mera kajal



na janay kyon mera kajal 


jab bhi daalo aakhon main aab 

aksar phail jata hai

mein roi to nahi hoon 


tum to jantay ho in dino 

buhat hi thand hoti hai 

tab hi hai surkh meri naak 

mein roi to nahi hoon 


kaha to hai kay yun hi bus

bheega hai aanchal ka kona 

chhoro tum fikar mat karo 

mein roi to nahi hoon


nahi, udaas kab hoon mein 

ziyada kam karnay say 

thakawat ho hi jati hai

mein roi to nahi hoon 


eid aei hai, woh aab bhi 

nahi aata to na aye 

ab us ki yaad mein dekho 

mein roi to nahi hoon 


bata dayna us ko ja kar 

koi khush-fehmi na paalay 

waisay hi surkh hain aankhain 

mein roi to nahi hoon !!!!


0 comments:

Post a Comment