TOP

gar mujhe iss ka yaqeen hoo


gar mujhe iss ka yaqeen hoo, mere hamdam, 
mere dost....
Gar mujhe iss ka yaqeen ho k tere dil ki thakan 
teri aankhon ki udaasi...tere seenay ki jalan....
Meri dil-joii...mere pyar se mit jayey gi 
gar mera hurf-e-tasal'li... Woh dawa ho jis se...
Jee uthe phir tera ujra hoa benoor dimagh
teri peeshani se dhul jain yeh tazleel k daagh
teri bemar jawani ko shifa ho jaye

gar mujhe iss ka yaqeen ho, merey hamdam, mere doost...
Rooz-o-shab...shaam-o-sahar...main tujhe behlata rahoon
main tujhe geet sunata rahoo....halkey...sh ereen...
Aab-sharoon k...baharoon k ....chaman-zaroon k geet...
Aamad-e-subh k ...mahtaab k...saiiyaroon k geet...
Tujh se main husun-o-muhabbat ki hikayat kahooon....



Younhi gata rahoon....gata rahoon...teri khatir,
geet bunta rahoon...baitha rahoon teri khatir
par mere geettere dukh ka madawa hi nahin
naghma jarah nahin...monis-o-gham'khawar sahi...
Geet nashtar to nahin...marham-e-aazar sahi...
Tere aazar ka charah nahin, nashtar k siva...
Aur yeh saffak masiha, mere qabzey main nahin...
Iss jahan k kisi ze-rooh k qabze main nahin...
Haan magar,

tere siva...tere sivaa...tere sivaaa...


0 comments:

Post a Comment